amalinks wokungena

Breaking News

UMnu. Morgan Tsvangirai Uthola Usekelo EMandebeleni Ngenxa YeGukurahundi, Kutsho Ingcwethi


Impumela yokhetho esiyazisiwe ezigabeni zelizwe ezitshiyeneyo itshengisa sobala ukuthi balutshwana kakhulu abantu abavotayo. Inhlanganiso ebona ngokuqutshwa kokhetho olukhululekileyo, iZESN ithi phakathi kwabantu abayi 5.9 million abalobisa ukuvota abavotayo abafiki ingxenye.

Ingcwethi ecubungula ezombusazwe, uMnu. Alois Dzvairo, njalo ongumgcinisihlao wabasakhulayo kunhlanganiso edinga ukulotshwa kutsha kwesisekelo sombuso, iNCA uphe uChris Gande weStudio 7 imbono yakhe ngembangela yokungavoti kwabanengi. Icele likaMnu. Morgan Tsvangirai livotelwe yisigaba semandebeleni okwesabekayo.

Lelicele lingqobe kobulawayo yonke kwathi enyakatho yemandebeleni lezansi lelicele lithole izihlalo ezinengi okwesabekayo. Icele elikhokhelwa nguMnu. Arthur Mutambara ebelikhangelelwe ukuthi yilo elizangqoba kulesi sigaba libhuqwe kwawa inkokheli yalelicele egoqela umsekeli kamongameli, uMnu. Gibson sibanda lonobhala jikelele, uMnu. Welshman Ncube.

Ingcwethi ecubungula ezombusazwe, umnu. Mlamuli Nkomo, utshele uChris Gande weStudio 7 ukuthi usekelo lukaMnu. Tsvangirai lulakho ukuphela esigabeni semandebeleni engekela ukuphatha kuhle udabe lweGukurahundi lokunye okukhathaza lesi sigaba.

Ezinye izindaba zeStudio 7 …

XS
SM
MD
LG