amalinks wokungena

Breaking News

Umthethwanda Udlulisela Phambili Udaba Lokukhitshwa Kwempumela Yokhetho


Umthethwandaba weHigh court eHarare lamuhla udlulisele kusasa ekuseni isingqumo sodaba lokuthi inhlanganiso eqhuba ukhetho iZEC kumele ikhuphe impumela yokhetho lukamongameli ngesiphangiphangi.

Igqwetha elimela iMDC litshele iStudio 7 ukuthi okumise isingqumo yikuthi amagqwetha amela izec abephikisa ukuthi wona umthethwandaba weHigh Court ulawo na amandla wokutshutshisa loludaba. Imizamo yokukhuluma leziphathamandla zeMDC ukuze sizwe ukuthi ibandla leli lizathatha nyathelo bani yehlule ngoba bezisemhlanganweni ngesikhathi sisiya emoyeni.

UNtungamili Nkomo weStudio 7uxoxe lentathelizindaba yethu uThomas Chiripasi obesemthethwandaba. Kunjalo nje uhulumende uthi usemise ukukhitshwa kwempumela yokhetho lukaMongameli ngoba kulokuqilibezela okwenziwa yiziphathamandla zezec zifuna ukuthi uMnu. Morgan Tsvangirai angqobe kulolukhetho.

Iphephandaba le the sunday mail lithi ibandla leZanu PF lilobufakazi bokuqilibezela lokhu okutshengisa ukuthi amavoti abengabalwa kuhle ngenjongo yokuthi uMnu. Tsvangirai angqobe. Kubikwa iziphathamandla zezec ezimbalwa zibotshiwe zisetheswa icala lokungaqubi kahle umsebenzi. Umqondisi wenhlanganiso yeCrisis in Zimbabwe Coalition, uMnu. Xolani zitha uthi inhlanganiso ezizimeleyo ziyaqoqana ukuthi zithathe amanyathelo ngalesi sehlakalo.

Ezinye izindaba zeStudio 7 …

XS
SM
MD
LG