Uzulu weZimbabwe usedideke ingqondo ngokuphuza kwenhlangansio ye Zimbabwe Electoral Commission ukwethula impumela yokhetho lukamongameli. Loludaba soluze lwasiwa emthethwandaba waphezulu libandla le MDC.Lamazwe lenhlanganiso zomhlaba asethule imibiko ekhuthaza i ZEC ukuthi iphangise ukwazisa ngalimpumela. ohulumende beBhilithane le Melika bathi besabela ukuthi elizweni kungaqhamuka udlakela nxa limpumela ingekela ukwethulwa masinyane.Unobhala jikelele wenhlanganiso ye United Nations uMnumzana Ban Ki Moon namhla ukhuthaze i ZEC ukuthi yazise ngalimpumela.
Umbuzo ongaba semilonyeni yabanengi ngothi kambe kukhona na okungenziwa ngamazwe omhlaba ukulungisisa udaba lokhetho oseluhluphile e Zimbabwe? Ingcwethi ecubungula ezombusazwe uMnumzana Joshua Mhambi uzama ukuphendula lumbuzo, kungxoxo ayenze leStudio 7.