amalinks wokungena

Breaking News

Kuqhamuka Udlakela Elizweni Ngemva Kokhetho


Kubikwa sekuqhamuke udlakela endaweni ezitshiyeneyo zelizwe kulandela ukhetho olumanyanisiweyo olweviki edluleyo.

Inhlanganiso yamatitshala, iProgressive Teachers Union ithi abababilisi endaweni ezinengi zelizwe sebethwaliswe avuzayo ngabasekeli beZanu PF besetheswa icala lokusekela ibandla icele leMDC elikhokhelwa nguMnu. Morgan Tsvangirai elangqobayo kukhetho lwedale lephalamende.

Kukhetho olusandakwedlula balutshwana ababalisi abaphatheke kukhetho ngoba bebesetheswa icala lokusekela amabandla aphikisayo. Inhlanganiso ekhuthaza ukuthula elizweni, iZimbabwe Peace Project ithi isithole imbiko eminengi etshengisa ukuqhela kodlakela elizweni kulandela ukhetho.

Umqondisi walinhlanganiso, uNkosazana Jestina Mukoko uphe uChris Gande okunengi ngaloludaba. Icele leMDC elikhokhelwa nguMnu. Morgan Tsvangirai lithi lizabekezela ngodaba lokuphuza kwempumela yokhetho lokumangameli ngoba selinanzelele ukuthi ibandla leZanu PF lijonge ukuthi kube lodlakela elizweni. Emhlanganweni lentathelzindaba eHarare lamuhla lapho lelibandla elithe lifuna ukwazisa uzulu ngokwenzakalayo ngendaba ezitshiyeneneyo unobhala jikelele walelibandla.

UMnu. Tendai Biti unobhala jikelele weMDC, uthi sekuqhamuke udlakela endaweni ezehlukeneyo zelizwe okukhanyayo ukuthi yindlela yeZanu PF yokuxopha uzulu. Umgcinisihlalo walelibandla, uMnu. Lovemore Moyo, obekhona laye kulumbuthano, uphe uChris Gande weStudio 7 okunengi ngalumhlangano.

Ezinye izindaba zeStudio 7 ...

XS
SM
MD
LG