amalinks wokungena

Breaking News

Umthethwandaba Ulahla Icala Lesiphathamandla seZEC Lokwehlisa Amavoti kaMugabe


Umthethwandaba kamantshi koBulawayo ulahle icala lesiphathamandla sezec elokwehlisa inani lamavoti kaMongameli mugabe esigabeni seBubi lamuhla. Lokhu kwenzakala kubotshwe ezinye njalo iziphathamandla zogatsha lweZEC, ebinga zisetheswa icala elifanayo.

Umantshi wakoBulawayo, uMnu. John Masimba, ulahle icala kade lisetheswa unkosikazi Virginia Sibanda owabotshwa ngeviki edluleyo ngolwesine. Igcqwetha ebelimele umaSibanda, uAdvocate. Sabelo Sibanda utshele uChris Gande weStudio 7 okunengi ngaloludaba. Umkhokheli webandla elibusaya leSouth Africa, iANC, uMnu. Jacob Zuma usefake laye ilizwe lokudana phezulu kwamanye amazwi avela ebantwini abatshiyeneyo emhlabeni wonke jikelele ngokuphuza ukwethulwa impumela yokhetho eZimbabwe.

Uzuma utshele umsakazo weSABC ukuthi okwenziwa nguhulumende kaMongameli Mugabe kavumelani lakho. Lokhu kwenzakala uMongameli wcele leMDC uMnu. Morgan Tsvangirai esethekelela amazwe atshiyeneyo ukukhuthaza amazwe akhelane leZimbabwe ukuthi aphathise ekuxazululeni udaba lokhetho lweZimbabwe athi wangqoba. Kodwa ingcwethi ecubungula ezombusazwe, uMnu. Walter Nsununguli Mbongolwane utshele uChris Gande weStudio 7 ukuthi kaboni uhlelo lukaMnu. Tsvangirai lolu luzaphathisa ngoba izizalwane zeZimbabwe yizo ezimele zizilungisele udaba lolu.

Ezinye izindaba zeStudio 7 …

XS
SM
MD
LG