amalinks wokungena

Breaking News

Umhlangano Wenhlanganiso ZabeZimbabwe AbaseSouth Africa LezeSouth Africa Ngokhetho LweZimbabwe


Inhlanganiso ye Zimbabwe Solidarity Forum lezinye edlelana lazo ziqhube umhlangano labezindaba kanye lomhlangano kazulu (lamhlanje) ngolwesithathu eJohannesburg zakhuthaza inhlanganiso ye Southern African Development Community kanye leyeAfrican Union ukuthi zingenele edabeni lweZimbabwe kungakaqhamuki impi.

Ekhuluma labezindaba (lamhlanje) ngolswesithathu eJohannesburg, obona ngokuqhutshwa kwenhlelo zenhlanganiso yeZimbabwe Solidarity Forum-ZSF uMnumnzana Sipho Theys, usole kakhulu ikomishini ebona ngokuqhutshwa kokhetho eZimbabwe i-Zimbabwe Electoral Commission-ZEC ngokugodla impumela yokhetho lwabomongameli.

UMnumnzana Theys uthe isenzo sale ikomishini sikhombisa ukunganaki ngemithetho yomanyano wamazwe eSADC iZimbabwe elilunga kuyo. Lokhu kugcizelelwe ngesinye isiphathamandla sale inhlanganiso uMnumnzana Simon Kobedi yena othe sekusobala ukuthi iZEC kayilamandla kodwa ilawulwa yiZANU PF kikho konke ekhwenzayo.

Ezinye Indaba ngesiNdebele...

XS
SM
MD
LG