Iqembu lenguqu elingene lonyaka esigabeni saphezulu sePremier Soccer League , ele Kiglon likhonya liphezulu kwengalane yemiklomelo ngemva kwemidlalo emithathu eye PSL.
I Kiglon inqobe iqembu le Njube Sundowns nge 2 ka nya ngoMgqibelo okuyimpumela etshiye leliqembu lilemiklomelo ethobamumwe munye njalo kulesikhala semiklomelo emithathu phakathi kwalo lamaqembu alilandelayo. Olandela umdlalo kanobhutshuzwayo u Fana Mgombane uthi lokhu kuqala kuhle kweqembu le kiglon kufana lomlilo wamaphepha ngoba lingeke lithathe isicoco seligi kodwa kuzaliphathisa ekutheni lisinde engozini yokuphuma esigabeni saphezulu ekupheleni kwemidlalo yalonyaka.
Kweminye imidlalo ebikhona ngoMgqibelo i Monomotapa iqhubekele phambili ihlaba umkhosi ngemva kokutshaywa yi Motor Action nge i ka nya kwaba ngesifanayo laku Underhill edliwe 2 ka 1 yi Shooting Stars. Zombili i Underhill le Monomotapa azikatholi loba owodwa umklomelo selokhu kuqale imidlalo yalonyaka.
Emidlalweni yangeNsonto i Highlanders le Caps FC zibe ngutshiki lobhanqa 1 ka 1 kwaba ngesifanayo phakathi kwe Masvingo United le Chapungu kuthi i Eastern Lions le Dynamos zitshayane zaze zabhekana kungela elitshayele emambuleni, i Lengthens inqobe i Gunners nge 1 ka nya kuthi i Lancashire Steel idliwe yi Caps United nge 1 ka nya okuyimpumela etshiye i Lancashire ijeke ingalane yemiklomelo ingela ngitsho lowodwa umklomelo. ....................................................................................................................................................................... Iqembu elimela ilizwe emdlalweni kakhilikithi liphutshe imidlalo yalo emncintiswaneni we Standard Bank Pro20 Series e South Africa likusigaba sesibili kusukela emsileni wengalane yemiklomelo ngemva kokunqoba kabili lokudliwa kane. I Zimbabwe inqobe emdlalweni wayo wakuqala yasinqotshwa kwemine eyalandelayo kwasekusithi ngolweSihlanu olwedlulileyo inqobe i Nashua Titans ngama runs ayi 12 ngemva kwezimanga ezenziwe ngumdlali wakuleli u Elton Chigumbura othethe ama wickets amahlanu elahlekelwe ngama runs alitshumi lantathu. Limpumela itsho ukuba i Zimbabwe isiyaphenduka ekhaya ngoba ingenelisanga ukufinyelela esigabeni sama semi finals.