Uzulu weZimbabwe ukhangelele ukuthi icele leMDC elikhokhelwa nguMnumzana Morgan Tsvangirai elithi linqobile kukhetho, yilo elizamhlenga ebunzimeni obubhekane lelizwe. Kodwa ukungethulwa kwempula yokhetho luka Mongameli sokwenze abanengi balahla ithemba lokuthi udubo lweZimbabwe luzalungisiswa. Lalo icele leMDC selizame izinto ezimbalwa ukuze i Zimbabwe Electoral Commission iphangise ukwethula impumelo yokhetho lukaMongameli, okugoqela ukusa loludaba emthethwandaba we High Court.
U Brenda Moyo weStudio 7 ukhulume lengcwethi ecubungula ezombusazwe, uMnumzana Zenzo Nkomo owe Communist Party ye South Africa, othi iMDC kumele ikhulumisane lezinye inhlanganiso eziyisekelayo ukuze kuqoqwe amacebo okuthi impumela yokhetho yethulwe masinyane.