amalinks wokungena

Breaking News

UKuhlukuluzwa Kwabasekeli BeMDC Kuqhubeka Kusiba Kubi


Ibandla leMDC elikhokhelwa nguMnu Morgan Tsvangirai lithi sebebahlanu abasekeli balo asebebulewe kudlakela oluqhubeka lumemetheka elizweni lubangelwa ngabantu abacatshangelwa ukuthi ngabasekeli beZanu PF.

Udlakela lolu lubikwa lubhahe kakhulu eMashonaland East leWest. Isikhulumi saleli bandla uMnu Nelson Chamisa utshele lumsakazo ukuthi sebelobele amapholisa bekhonona ngodaba lodlakela lolu njalo besola ukubotshwa kwabasekeli bebandla mahlayana nje.

Amagqwetha alelibandla athi kulabasekeli balo abalikhulu lamatshumi amabili ababotshiweyo eHarare kusukela iviki iqalisa besetheswa icala lokukhuthaza uzulu ukuthi akhalale imisebenzi. Athi njalo abanye balababasekeli bakhululwe lamuhla ngemva kokuhlawuliswa ifayindi.

KoBulawayo khona lamuhla kulokhansila walelibandla oka ward 1 uMnu Eddie Manning lomunye umsekeli webandla abamiswe phambi komthethwandaba kamantshi besetheswa icala lokutshotshozela uzulu ukuthi akhalale imisebenzi.

Bobabili bagwetshelwe ukuhlala ejele okwenyanga eziyisitshiyagalombili. Kodwa umansthi uthe bangahlawula ifayindi ye$30 billion ngamunye ukuze bekhululwe. Udlakela kanye lokubotshwa kwabasekeli beMDC kukhanya kuqhubekela phambili endaweni ezinengi zelizwe.

Umsekeli kamgcinisihlalo weNational Constitutional Assembly (NCA) njalo eyingcwethi ecubungula ezombusazwe uMnu George Mkhwananzi utshele uNtungamili Nkomo weStudio 7 ukuthi akumangalisi ukuthi kulokuqhela kodlakela elizweni ngoba iZanu PF ilibandla elivele lisidla ngobudlova.

Ezinye Indaba ZeStudio 7...

XS
SM
MD
LG