Umkhokheli wecele leMDC elithi lanqoba kukhetho lukamongamneli uMnu Morgan Tsvangirai uthi umongameli Thabo Mbeki weleSouth Africa sekufanele akhitshwe esikhundleni sokuba ngumlamulankunzi edabeni lweZimbabwe.
Ekhuluma emhlanganweni awenze lentathelizindaba eSandton, Johannesburg lamuhla uMnu Tsvangirai uthe uMbeki kumele emiswe ngoba seyehlulekile ukulungisisa udaba lweZimbabwe. Umongameli Mbeki ucunule abanengi abatshetshe bamchothoza kuviki edluleyo ngamazwi akhe okuthi akulankinga ekhona eZimbabwe.
UMnu Tsvangirai, kubika intathelizindaba yethu uBennedict Nhlapho, uthi ibandla lakhe lifuna iSADC ithumele iqula elizweni ukuzebona ngomumo okhona, esithi uMugabe kumele evume ukuthi wanqotshwa kukhetho lukamongameli. Usole njalo ibandla leZanu PF esithi abasekeli balo baphitsheke ngokuhlukuluza, ukubulala kanye lokubhinya abasekeli bebandla lakhe.