amalinks wokungena

Breaking News

I SADC Ihlaziya udaba LweZimbabwe Njalo Kusasa


Umanyano wamazwe ezansi yeAfrica oweSadc ukhangelelwe ukuhluza njalo udaba lokhetho lweZimbabwe kusasa.

Inkokheli yalumanyano izahlangana eMauritias ihlaziya indaba eziphathelane lentuthuko lobuyanga, njalo ithi izaphatha lodaba lweZimbabwe kulandela umhlangano ebe lawo eZambia ngeviki edluleyo kuhluzwa insumansumane yokhetho lweZimbabwe.

Emhlanganweni weviki edluleyo iSadc yaxwayisa iZimbabwe ukuthi yazise ngempumela yokhetho lukamongameli ngokuphangisa. Kodwa njengoba limpumela ilokhu ingakaziswa, njalo udlakela lubikwa luqhela elizweni, okukhangelelwe ngabanengi yikuthi inkokheli yeSadc le ithathe amanyathelo aqinileyo phezu kukamongameli Mugabe.

Kodwa ingcwethi ecubungula ezombusazwe uMnu Zenzo Nkomo utshele uNtungamili Nkomo weStudio 7 ukuthi ngokubona kwakhe iSadc izaqhubeka iphatha uMugabe ngesandla esibuthakathaka njalo kayisoze yafa yathatha amanyathelo anzima phezu kodaba lweZimbabwe.

Ezinye Indaba ZeStudio 7...

XS
SM
MD
LG