amalinks wokungena

Breaking News

IShooting Stars Itshaya IBosso, Iphakamise Inkezo YeUhuru


Iqembu lenguqu eleShooting Stars linqobe eleHiglanders 1-0 lahle laphakamisa inkezo yeIndependence Trophy emdlalweni odlalelwe eHarare ukunanza ilanga likazibuse weZimbabwe.

Kunjalonje imidlalo yenguqu esigabeni saphezulu ese Premier Soccer League (PSL)ingena kuviki yesine kulimpelaviki. Amehlo abalandeli bomdlalo wenguqu akhangele umdlalo weqembu elihlezi esiqongweni sengalane yemiklomelo ele Kiglon lona elingakaze linqotshwe selokhu kuqale imidlalo yalonyaka lapho elizadlala khona lele Lengthens kusasa enkundleni yeGwanzura.

Komunye umdlalo wakusasa iMotor Action izemukela iUnderhill yona engakatholi ngitsho lowodwa umklomelo ngaseMotor Action Sports Club. NgeSonto i Lancashire Steel izadibana leHighlanders idinga umklomelo wayo wakuqala kumidlalo yalonyaka ngaseBaghdad, iDynamos yemukela iMasvingo United ngaseGwanzura, iCaps PF le Gunners zizakuba senkundleni yase Dzivarasekwa.

IChapungu izangqikilana le Monomotapa ngaseAscot, i Njube Sundowns leShootings Stars zizadlalela ngase Pelandaba, Kuthi emdlalweni owodwa ngoMvulo iCaps United izadibana le Eastern Lions.

Ezinye Indaba ZeStudio 7...

XS
SM
MD
LG