amalinks wokungena

Breaking News

Uhulumende Ulandula Imbiko Yodlakela Lanxa Ubufakazi Bugcwele


Umpathintambo wezemithetho, uMnu. Patrick Chinamasa selandule imbiko yecele leMDC elikhokhelwa nguMnu. Morgan Tsvangirai eyokuthi sekuqhamuke udlakela elizweni kulandela ukhetho lwangenyanga edluleyo.

Ibandla leMDC leli lithi sekufe abantu abalitshumi kwelatshwa abedlula amakhulu amane ezibhedlela ezitshiyeneyo zelizwe, betshaywa ngamasotsha, amapholisa lababengabalweli benkululeko amawar vets abasekela iZanu PF.

Esigabeni seMashonaland Central kubikwa kutshiswe izindlu lezifuyo zezakhamizi ezicatshangelwa ukuthi zisekela icele leMDC leli. UMnu Chinamasa ulandule lokhu emhlanganweni awenze lentathelizindaba esithi iMDC iqamba amanga isenzela ukuthi amanye amazwe angenele kudaba lweZimbabwe.

Kodwa imbiko esiyitholayo ithi udlakela lokuhlukuluzwa kwamalunga ecele leMDC leli kuqhubekela phambili kumemetheka ikakhulu emaphandleni. Inhlaganiso yeZimbabwe Peace Project ithi ilobufakazi bokutshaywa kwabantu eMashonaland East lase Uzumba Maramba Pfungwa.

Owake waba ngumsekeli kamgcinisihlalo wabatsha kubandla leMDC lisamanyene, uMnu. Mathula Lusinga ophephele kweleSouth Africa ebalekela udlakela ngemva kokhetho luka 2002 utshele uChris Gande weStudio 7 ukuthi udlakela lubhahile elizweni, ibandla leZanu PF liqhubeka lihlukuluza uzulu ngokuvotela iMDC.

Ezinye izindaba zeStudio 7 …

XS
SM
MD
LG