amalinks wokungena

Breaking News

Manini ukuthengisela IZimbabwe IZikhali; Amnesty International


Inhlanganiso ekhankasela ukulondolozwa kwelungelo loluntu emhlabeni jikelele eye Amnesty International sikhuthaze amazwe omhlaba ukuthi ame ukuthengisela eleZimbabwe izikhali umumo uze ulunge elizweni.

Embikweni ewethule lamuhla linhlanganiso ithi uMugabe uthenga lezizikhali ngenjongo yokuhlukuluza uzulu amethesa umlandu wokusekela ibandla leMDC. Inhloko kahulumende weBhilithani uMnu Gordon Brown laye lamuhla uxwayise amazwe omhlaba ukuthi ame ukuthengisela eleZimbabwe izikhali. Emzansi Africa khona, ibandla lamakholwa esiAnglican lalo lethule imbiko efanayo.

Limbiko ilandela ukuvinjwa komkhumbi weleChina othwele izikhali zeZimbabwe, ngamazwe asokhunjini lolwandle ukuwuvumela ukwethula izikhali lezi kiwo. Izolo bekulembiko ethi lumkhumbi ubulakho ukuphindela kweleChina, kodwa lamuhla ubikwa ungasabonakali ungaziwa ukuthi ungaba usulubhekisephi.

Ingcwethi ecubungula ezombusazwe uMnu Mlamuli Nkomo umsakazo weStudio 7 ukuthi umkhankaso weAmnesty International wokumiswa kokuthengisela iZimbabwe izikhali, ulakho ukulandelwa ngamazwe amanengi.

Ezinye Indaba ZeStudio 7...

XS
SM
MD
LG