Iqula leSadc elifike eZimbabwe izolo lihamba ngodaba lokhetho lamuhla lihlangane loMongameli Robert Mugabe lambuzisisa ndodaba lodlakela likhuthaza ukuthi ubudlova kumele buphele.
Leliqula liphinde lahlangana njalo leziphathamandla zeZec lakhuthaza ukuthi uhlangothi lolu lwenze umsebenzi walo ngemfanele lingasekeli hlangothi phakathi kweMDC leZanu PF. Iqula leSadc leli likhangelelwe ukuhlangana njalo loMnu Morgan Tsvangirai kanye loMongameli Thabo Mbeki weleSouth Africa.
Ngakwelinye icele i African Union yethule umbiko lamuhla isola udlakela olukhona njalo isithi kumele kube lokuthula phambilini kokhetho lwe run-off. I AU ithi njalo amabandla athi i MDC leZanu PF kumele ehloniphe okuzaphuma kulolukhetho.
Ingcwethi ecubungula ezombusazwe uMnu Emmanuel Hlabangana utshele uNtungamili Nkomo weStudio 7 ukuthi imbiko ye AU leSadc le iveza ukuthi inhlanganiso lezi zithukuthele ngodaba lweZimbabwe.