amalinks wokungena

Breaking News

Ukhetho LweRun-Off Soluzakwenziwa Mhlaka 27 June


Inhlanganiso ebona ngokuqhutshwa kokhetho eye Zimbabwe Electoral Commission iZEC isize yazisa ilanga lokhetho lwesibili lwe Run-Off isithi luzakwenziwa mhlaka 27 June. kulolukhetho kuncintisana uMongameli Robert Mugabe, lomkhokheli wecele le MDC uMnumzana Morgan Tsvangirai. kodwa inengi lithithibele lingazi ukuthi lolokhetho luzaqhutshwa ngemfanelo na, ngenxa yodlakela osolumemetheke elizweni, kuhlukuluzwa abasekeli bebandla leMDC.

Ingcwethi ecubungula ezombusazwe uMnumzana Mqondobanzi Magonya uthi konke osokusenziwa yi ZEC akusekho emthethweni, ngoba ngabe kwalandelwa umthetho nga ukhetho lolu lwenziwe sokwedlule amalanga angamtshumi amabili lanye kumenyezelwe impumela yokhetho olwedluleyo.

Njengoba ilanga lokhetho selibekiwe nje njalo kusasele isikhathi esedlula inyanga yonke ukuthi lwenziwe inengi libona angani ibandla le ZANU PF lisazinika isikhathi sokuhlukuluza lokwethusela uzulu. Omunye olombono lo ngumlaleli weStudio 7 uMnumzana Gordon Dube odabuka eMberengwa kodwa ehlala eJohannesburg South Africa. UDube uthi izizalwane zeZimbabwe kumele zikhuthazane ukuyavota kulolukhetho lwe Run-Off.

XS
SM
MD
LG