Idale lephalamende elimela iAfrican Union ele Pan African Parliament lamuhla liqede umhlangano walo wokuhlaziya udaba lweZimbabwe lezinye ezihluphayo ezwekazi leAfrica lanquma ukuthi lizakwengezelela iqula lalo lokuyahlola ukhetho lwerun-off ukuze kungabi lodlakela elizweni.
ISadc layo siveze ukuthi izakwengezelela iqula layo lokuyabona ngalolukhetho. I Pap ithi iphatheke kakubi ngodlakela olukhona isithi kumele luphele phambilini kokhetho.
Ingcwethi ecubungula ezombusazwe uMnu Mandlenkosi Gatsheni uthi laloba ukwengezwa kwabazebona ukhetho lusenziwa laba kungasoze kuqede udlakela, kuzakwenza lubelutshwana ngoba bayabe begcwele ndawana yonke.