amalinks wokungena

Breaking News

UMnu. Tsvangirai Wehluleka Ukubuyela Ekhaya Esithi Bafuna Ukumbulala


Ibandla lemdc elikhokhelwa nguMnumzana Morgan Tsvangirai lithi uTsvangirai, obekhangelwe ukuphindela ekhaya ngemva kwenyanga kaseyikubuyela eZimbabwe ngoba lisesabela impilo yakhe.

Isikhulumi sika Tsvangirai uMnumzana George Sibotshiwe utshele lumsakazo ukuthi ibandla lakhe lincwetshwe udlebe ngabantu abathembekileyo ukuthi uTsvangirai ulakho ukubulawa engabuyela ekhaya. Kodwa uSibotshiwe kagcizelelanga ngokugcweleyo ngaloludaba esithi basaluhluzisisa. UTsvangirai ubekhangelelwe ukubakhona kumbuthano omkhulu eWhite City Stadium ko Bulawayo lithakazelela ukunqoba kwalo kulelidolobho.

IStudio 7 ikhulume lomsekeli wesikhulumi salelibandla uNkosazana Thabitha Khumalo othi imisebenzi yebandla izaqhubeka laloba utsvangirai engekho. Uhulumende ulandulae imbiko yeMDC esithi vele uTsvangirai ngumuntu wamanga. Asizweni umsekeli wesikhulumi sikahulumende, uMnu. Bright Matonga.

Kunjalo nje, egcekeni lendizamtshina eHarare obekukhangelwe ukuthi kuzabe kunyakazela abantu behlangebeza uTsvangirai bekubetha umoya. Intathelizindaba yethu uMark Peter Nthambe obehambile kulelogceke uyalandisa.

Ezinye izindaba zeStudio 7 …

XS
SM
MD
LG