amalinks wokungena

Breaking News

Ama 'War Vets' Lokhu Edlisa Abantu Luklubhu Emaphandleni


Ababengabalweli bempi yenkululeko babikwa lokhu beqhubeka besethusela abantu ezigabeni ezitshiyeneyo zelizwe, besithi kumele bevotele umongameli robert mugabe kukhetho lwe ‘run-off’ oluzayo. Icele le MDC elikhokhelwa nguMnu. Morgan Tsvangirai libika ukuthi ezigabeni ezigoqela iBinga, iMbalabala le Hwange inengi lamalunga alo liyazingelwa ngabomvu, lithenjiswa ukubulawa.

Esigabeni seChivi, ilori enkulu ebithwele inkulungwane le nkulungwane zephephandaba elizimeleyo ele ‘The Zimbabwean’ ificakale itshisiwe, kwathi umtshayeli lomunye wakhe batshaywa kabuhlungu.

UNkosazana Nomalanga Mzilikazi Khumalo,omela isigaba seMzingwane edale lephalamende, ekucele le MDC elikhokhelwa nguMnu. Arthur Mutambara, utshele uSithandekile Mhlanga ngokwethuselwa kwabantu okwenzakala esigabeni sakhe.

Ezinye indaba se studio 7…

XS
SM
MD
LG