amalinks wokungena

Breaking News

Icele Le MDC Elikhokhelwa NguMnu. Morgan Tsvangirai Lisungula Isikhwama Sokuncedisa Abathinteke Kudlakela


Icele le MDC elikhokhelwa nguMnu. Morgan Tsvangirai lithi selisungula isikhwama sokuncedisa abathinteke kudlakela lwezombusazwe oluqhubekela phambili elizweni.

Intathelizindaba yethu u Mark Peter Nthambe usethulela loludaba. Kunjalo nje, udlakela lubikwa lokhe luqhubekela phambili ezigabeni ezitshiyeneyo zelizwe ezigoqela i Mvuma, i Mashonalaand West, i Mashonaland East, iBikita, iZaka, leChiredzi. Isakhamuzi se Binga e Siachalaba sitshele istudio 7 ukuthi abantu balesisigaba babanjwa ngamandla ukuya emhlanganweni eqoqwa libandla le ZANU PF, lincedisana losobhuku walesisigaba njalo kulesinye isakhamuzi esisanda kutshiselwa umuzi ngabacatshangelwa ukuthi yilababantu.

Umqondisi wenhlanganiso ye Zimbabwe Peace Project, engeyinye zenhlananiso eziqoqa imbiko emayelana lodlakela oluselizweni, uNkosikazi Jestina Mukoko, uthi inhlanganiso yakhe lokhe ithola imbiko yodlakela nsukuzonke ezigabeni ezitshiyeneyo zelizwe, okukhombisa ukuthi udlakela lolu luyamemetheka okwesabekayo, phambilini kokhetho lwe ‘run-off’.

Ezinye indaba ze studio 7…

XS
SM
MD
LG