Imali yeZimbabwe iwe ngesiqubu esimangalisayo lamuhla ekuseni, lapho amabhanga abika ukuthi athenga i dola lemelika elilodwa ngebhiliyoni lamadola eZimbabwe, yona ibilithenga ngezigidi ezizinkulungwane ezingamakhulu ayisikhombisa zamadollar iviki le iqalisa.
Lamuhla kubikwa bekuyiziphithiphithi emabhanga ngoba izisebenzi zikahulumende, ezigoqela ababalisi zengezelelwe iholo njalo lemali engathathwa emabhanga ikhweziwe.
Ingcwethi ecubungula ezomnotho welizwe, uMnu. Nhlanhla Nyathi, utshele uSithandekile Mhlanga we studio 7 ukuthi ukukhwezelwa iholo kwezisebenzi zikahulumende kanye lamalungiselelo okhetho oluzayo yikho okubangela ukuwa kwamandla emali yelizwe.