Imibiko ephume kwabanye abezindaba ithi ilizwe leSouth Africa lokhe lisenza imizamo yokumanyanisa amabandla e MDC lele ZANU PF, ngaphambilini kokhetho lwerun-off. inkulumo lezi zibikwa zikhokhelwa yisiphathamandla sikahulumende weSouth Africa uMnumzana Sydney Mufamadi. Icele le MDC elikhokhelwa nguMnumzana Morgan Tsvangirai eliyilo elibikwa liphatheke kulezinkulumo lele ZANU PF lilandule ukuba khona kwalezinkulumo. Kubikwa udaba olusegudwini kungolokuthi kwekelwe ukwenziwa ukhetho lwerun off kubunjwe uhulumende womanyano. Kodwa ingcwethi ecubungula ezombusazwe uMnumzana Zenzo Nkomo uthi ukungenziwa kokhetho lwerun-off kutsho ukungafezwa kwezifiso zabantu beZimbabwe.