Iqembu lenguqu elimela iliwe elamaWarriors lisuka kusasa lilubhekise eKenya lapho elikhangelelwe ukuhlasela njengesilo libhaxabule eleKenya emdlalweni wokudinga amaqembu azaphatheka kunkezo yeWorld Cup le Afcon Cup ngo 2010.
Lumdlalo uzadlalelwa enkundleni ye Nyayo eNairobi ngoMgqibelo. Amaqembu womabili angena kulumdlalo eqaphise imisila ngemva kokunqoba kwawo emidlalweni esanda kwedlula.
Elekenya linqobe eleGuinea nge 2 ka 0 ngoMgqibelo kwathi eleZimbabwe labhuqa eleNamibia ngemiklomelo efanayo ngeSonto. I Zimbabwe ikusibaya sinye leNamibia, Kenya le Guinea njalo iZimbabwe yiyo ekhokhelayo.
Umqondisi wama Warriors u Ernest Mapepa Sibanda utshele uNtungamili Nkomo weStudio 7 ukuthi laloba iqembu le Kenya belihlonipha bakhangelele ukuliwisa ngophondo.