amalinks wokungena

Breaking News

Inhlanganiso Ye ZIMA Isola Udlakela Oluselizweni


Inhlanganiso ye Zimbabwe Doctors’ Association, lamuhla yethula umbiko othi kumele udlakela luphele elizweni ngoba ilizwe livele lingelazinto zokusebenzisa ezeneleyo kwezempilakahle.

Umkhokheli walinhlanganiso uDokotela Paul Chimedza, olilunga le ZANU PF, njalo obikwa esanda kuqunyelwa icontraki yokuthi asebenze phansi kwe nhlanganiso ye United Nations, uthi akusiqiniso ukuthi ungomunye wababangela udlakela e Gutu esigabeni seMasvingo ngoba yena elondoloza impilo zabantu. UChimedza uthi amalunga enhlanganiso yakhe elapha abantu abalimala kuloludlakela emadolobheni lemaphandleni ngaphandle kwenhlawulo. Ungezelele wathi abaphila legcikwane le HIV sebesehluleka ukuzuza amaphilisi ama ARVs ngenxa yokususwa ngamandla ezigabeni zabo apho abathola khona loluncedo.

USithandekile Mhlanga we studio 7 uxoxe losaphethe isikhundla somqoqi wenhlelo enhlanganisweni ye Zimbabwe National Network of People Living with AIDS (ZNNP+) ochasisa ngobunzima obuqondana labantu abaphila legcikwane leli bengasuswa lapho abathola khona uncedo.

Ezinye indaba ze studio 7…

XS
SM
MD
LG