amalinks wokungena

Breaking News

Abazohlola Ukhetho Bathi Abazukubusisa Impumela Yokhetho


Abe Pan African Parliament labenhlanganiso ye SADC abazohlola ngezokhetho sebeze bavuma ukuthi kweleZimbabwe kulodlakela osolufike kubanga elesabekayo, olwenqabela ukuthi ukhetho oluzayo luqhutshwe ngendlela ezasuthisa wonke umuntu. Bathi njalo sebehlangene lokulwa kokuphindisela okwenziwa ngabe bandla le MDC kodwa besithi udlakela olunengi lubangelwa ngabe ZANU PF. abe PAP bona lamuhla bahlangane lomkhokheli weMDC uMnu Morgan Tsvangirai, baphinda bahlangana njalo loMnu Emmerson Munangagwa oweZANU PF emele uMongameli Robert Mugabe bekhuluma ngomumo oselizweni. Umkhokheli wequla lePAP uMnu Marwick Khumalo utshele umsakazo weBBC lamuhla ukuthi udlakela lungaqhubeka, kasoze abusise ukhetho lolu, esithi iqula lakhe lizasola impumela yalo ngoba luqhutshwe kulodlakela. Ingcwethi ehlaziya ezombusazwe, uMnu Zenzo Nkomo olilunga lecommunist party kwelesouth africa uthi laloba abazohlola ukhetho sebevumile ukuthi kulodlakela elizweni, umumo awuzukuguquka kuze kwenziwe ukhetho.

Ezinye Indaba ZeStudio7....

Okuhambelana lalokhu

XS
SM
MD
LG