Umongameli Robert Mugabe uqhubekela phambili ngokuthi amazwe aphetsheya angangeneli edabeni lweZimbabwe ngoba awasalibusi. Uhulumende wakhe uphinde wenza inhlekisa umhlangano we SADC Troika onqume ukuthi ukhetho lumiswe, esithi ngokungabi khona kwele Angola lele South Africa kuyafana lokuthi awubangakhona.
Loba uMnu. Nelson Mandela esole eleZimbabwe esedilini alenzelwe e London kwele bhilithani, uhulumende uthi lokhu ukwenze ngoba ebanjwa ngamandla ngabamhlophe kulelolizwe, abasanda kuhlubula uMugabeinhlonipho yokuba yi Knight ayinikwa yindlovukazi yalelo lizwe uQueen Elizabeth.
Ngakwelinye icele, i MDC ekhokhelwa nguMnu. Morgan Tsvangirai ibikwa isithi ayisoze ikhulumisane loMugabe ukhetho lungadlula njalo akulamuntu ozamnanza enganqoba emcintisweni awungene eyedwa.
UMugabe uthi uzimisele ukuhlulumisana le MDC loba engatsho ukuthi uzakwenza nini.
Umgcinisihlalo walelicele, uMnu. Lovemore Moyo uthi bakhuthaza abantu ukuthi bangayivota kusasa.
