amalinks wokungena

Breaking News

Kuqhamuka Ukulwisana Kwabasekeli beZanu PF Lamapholisa eGokwe


Kubikwa kuqhamuke ukulwisana okunzima phakathi kwamapholisa labasekeli beZanu PF eGokwe ngoMgqibelo. Omunye obone lokhu kusenzakala ongafunanga ukuziveza igama utshele iStudio 7 ukuthi ukulwisana lokhu kuqalise ngamva kokuba amapholisa etshele abasekeli beZanu PF ukuthi bengazathatha umthetho bawufake ezandleni zabo.

Kubikwa kulimele abantu abanengi abagoqela amapholisa. Lanxa kwezinye izindawo zelizwe udlakela selusiba lulutshwane eGokwe lubikwa lulokhu luqhubekela phambili. Esibhedlela seGokwe General Hospitla kuward B3 kubikwa kugciniwe abasekeli bebandla leMDC abanengi abalamanxeba asabekayo kodwa bengelatshwa. Iphephandaba leBhilitane, i The Guardian lithi intathelizndaba yalo eyethekelela lesi sibhedlela yathola abasekeli beMDC laba bengavunyelwa ukubonwa yizihlobo labangane.

I ambulance eyayimele ithwale laba bantu ibase esibhedlela seGweru yathathwa ngamapholisa. Abanye odokotela abazama ukwelapha laba bantu babikwa besaliswa ngamasotsha. Igqwetha leMDC, uMnu. Capera Sengweni uke waya kulesi sibhedlela ngempelasonto wabona ababili abavalelwe kulesi sibhedlela. UCapera utshele iStudio 7 ukuthi ababili laba baphakathi kobuhlungwu obesabekayo ngoba imizimba yabo itshisiwe njalo betshulwa ingalo.

Kunjalo nje, abantu abanengi ababalekela udlakela babikwa sebephephelela eSouth Africa lapho abelatshwa khona ngoba besesaba ukuthi bengaya ezibhedlela elizweni bazalandelwa batshaywe njalo. Umgcinisihlalo wenhlagnaniso yezizalwane zeZimbabwe ezise South Africa, iZimbabwe Action Support Group, uMnu. Remember Moyo utshele uChris Gande weStudio 7 ukuthi inani labantu abalamanxeba liqanse okumangalisayo kumaviki amalutshwana asanda kwedlula.

Ezinye izindaba zeStudio 7 …

XS
SM
MD
LG