Amalunga ogatsha olubona ngezomvikela kumanyano we SADC, i Organ on Politics asemhlanganweni e Durban eSouth Africa lapho ahlaziya khona ingxabangxoza eseZimbabwe, kanye lezinye indaba ezikhathaza uzulu wezwekazi le Africa. Isinqumo esizaphuma kulu mhlangano sibikwa sizahluzwa emhlanganweni wenkhokheli owenziwa ngenyanga ezayo.
Sikhathi sinye usenziwa lumhlangano, izizalwane ze Zimbabwe ezihlala e Durban zitshengisele phambi kwalumhlangano zikhuthaza inkokheli yamazwe ase Africa ukuthi athathe inyathelo eliqineleyo ekusoleni umbuso ka Mugabe.USithandekile Mhlanga we studio 7 uxoxe lo Mnu. Shepherd Savanhu, ilunga le MDC elikhokhelwa nguMnu. Morgan Tsvangirai kwele South Africa, obe phakathi kwalokhu kutshengisela.
Ezinye indaba ze studio ….
