amalinks wokungena

Breaking News

Selimehlula Iqembu UMethembe: Kutsho Abasekeli BeBosso


Abalandeli beqembu le Highlanders badla amalahle ngokunqotshwa kwaleli qembu liqembu le Lengthens izolo. I Bosso inqotshwe nge 1 ka 0 emdlalweni wePremier Soccer League (PSL) oqhutshelwe koBulawayo.

Abakade besenkundleni ye Babourfields izolo bathi umqeqetshi we Highlanders uMethembe Ndlovu useyehlulekile njalo kumele esuswe kulesisikhundla. Bathi uma inkokheli zaleliqembu zingathathanga amanyathelo i Bosso ingazitholka sidlala kusigaba seDivision One eminyakeni elandelayo.

I Highlanders sidlale imidlalo elitshumi lasikhombisa yanqoba kumidlalo eyisikhombisa kuphela. Ibe ngutshiki lobhanqe kumidlalo eyisithupha yanqotshwa kumidlalo emine njalo ilemiklomelo engamatshumi amabili lasikhombisa kungalane. Iqembu elikhokhela lingalane, iMonomotapa lola lilemiklomelo engamatshumi amathathu lane.

Ukuphumelela kukaMethembe emnyakeni wakhe wakuqala eqeqetsha i Highlanders ngo 2006 kubikwa kudalwe yikuba wathola owayevele engumqeqetshi waleliqembu u Madinda Ndlovu, eqoqe iqembu elilohlonzi.

Ukwehluleka kukaMethembe sokuzikhanyela ngoba inengi labadlali ababetshiywe ngu Madinda selasuka kuleliqembu. Yena ukhanya sesehluleka ukuqoqa elakhe ngokwakhe iqembu elilohlonzi.

Ezinye Indaba ngesiNdebele...

Okuhambelana lalokhu

XS
SM
MD
LG