Ibandla le United People’s Party lithi isivumelwano esilotshelwane phansi phakathi kwamacele e MDC le ZANU PF e Harare izolo asitsho lutho ngoba singagoqelanga amabandla wonke ezombusazwe, inhlanganiso ezilwela ilungelo likazulu kanye labezinkonzo.
Ekhuluma emhlanganweni lenthathelizindaba e Harare lamhlanje umkhokheli we United People’s Party u Dokotela Daniel Shumba uthe ibandla lakhe libona kufanele ukuba kubunjwe uhulumende womanyano kuleli kulokubunjwa kohulumende wesikhatsha i Transitional Authority.
Inhlanganiso yomanyano wamazwe e Africa ikhuthaza ukuba kwele Zimbabwe kubunjwe uhulumende womanyano kwelinye icele ibandla le MDC likhuthaza ukuba kubunjwe uhulumende owesikhatshana ozalungisisa umumo wezinto kuleli kulungiselelwa ukungena kolunye ukhetho.
