amalinks wokungena

Breaking News

Abakhethwa Ukubangamakhansila Bathwaliswa Nzima Ekugcotshweni


Abakhethwa ukuba ngamakhansila kukhetho olumanyanisiweyo olukaMbimbitho sebegcotshwa kuzigaba zelizwe lonke jikelele.

Icele leMDC elikhokhelwa nguMnu. Morgan Tsvangirai yilo elangqobayo kumakhansili wonke emadolobheni lawemaphandleni, kwathi icele elikhokhelwa nguMnu. Arthur Mutambara lona ladobhadobha kwezinye izigaba ikhakhulu esigabeni seMandebeleni.

Ekugcotshweni kwamakhansila lokhu kubikwa ibandla leMDC lithwaliswe avuzayo yiziphathamandla zeZanu PF labasekeli balelibandla. Kwezinye izigaba iziphathamandla zikahulumende ebezimele zibekhona ekugcotshweni kwamakhansila zibikwa zingalugxobanga, kuthi kwezinye izigaba amalunga eMDC abikwa ebengatshelwa ukuthi kulomkhosi wokuwafungisa eqalise umsebenzi.

Owakhethwa ukumela isigaba seMzingwane edaleni lephalamende, uNkosazana Nomalanga Khumalo uxoxele uChris Gande weStudio 7 okwenzakala esigabeni sakhe ngokugcotshwa kwamakhansila.

Ezinye Indaba ZeStudio 7 …

XS
SM
MD
LG