amalinks wokungena

Breaking News

Kutholakala Ezinye Izidumbu Zabasekeli BeMDC


Ibandla leMDC lithi kulamalunga alo amabili abuleweyo ngamalunga eZanu PF ngempelasonto. Lelibandla lithi ababuleweyo laba nguNkosazana Fungasayi Ziome owe Glendale eMashonaland Central loMnu. Kingsley Muteta owe Mudzi eMashonaland East.

IMDC ithi isidumbu sika Ziome, owathunjwa Mhlaka 23 yonalinyanga, sitholakele sitshisiwe kwenye insimu ngempelaviki. Lelibandla lithi uMuteta obelipholisa ufele eAvenues Clinic eHarare ngeSonto ngemva kokutshaywa kabuhlungu ngama war vets. UMuteta wayevakatshele unina esizambona ngoba laye wayeke watshaywa ngama war vets.

IMDC ithi imfa lezi sezifikise ikhulu elilamatshumi amabili lambili labasekeli balo ababulewe ngabasekeli beZanu PF. Kubikwa kubotshwe abantu abahlanu lamuhla eMudzi besetheswa icala lokubulala uMuteta. Kunjalo nje, inhlanganiso ye Solidarity Peace Trust ithi udlakela lokungaqutshwa kahle kwezombusazwe eZimbabwe sekubangele okungahlaliseki kwezansi yezwwekazi le Africa.

Kodwa isiphathamandla secele leMDC elikhokhelwa nguMnu. Morgan Tsvangirai enkabazwe, uMnu Obert Ncube, uthsele uChris Gande weStudio 7 ukuthi udlakela luya lusehla ngoba inkamba zabasekeli beZanu PF okwakuhlukuluzwa khona abantu sezivaliweyo.

Ezinye izindaba zeStudio7 …

Okuhambelana lalokhu

XS
SM
MD
LG