Inhlanganiso ye Combined Harare Residents Association, i CHRA, yethula umbiko othi uhlupho lwamanzi lokhu luqhubekela phambili kulelidolobho njalo logetsi uphongucitshwa mahlayana.
Kumbiko wenhlanganiso le elithi liwethula viki zonke, kulendawo esezihlale zingelagetsi kumbe amanzi citshe okwenyanga ezintathu.
Lokhu kwenzakala uhlupho lokucitshwa kukagetsi lokuvalwa kwamanzi kuthwalise amadolobho wonke elizweni amagabha avuzayo.
Isiphathamandla se CHRA, uMnu. Mfundo Mlilo, utshele uSithandekile Mhlanga we studio 7 ukuthi inhlanganiso yakhe seyakhulumisana lohulumende ngodaba lolu kodwa ayiboni mahluko.
