Uhulumende ubikwa uthi useqalisile ukubhalisa amabizo abantu abazathola ukudla ngaphansi kohlelo lwe National Basic Commodities Supply Side Intervention (BACOSSI) programme emalokitshini emadolobheni.
Usibalukhulu wedolobho le Harare, uMnu. David Karimanzira utshele iphephandaba le The Herald ukuthi emayadini, kuzabhaliswa abasebenza ezingadini lezindlini hatshi abaninij bezindlu ngoba besenelisa ukuthenga ezabo impahla.
Kodwa isiphathamandla se Combined Harare Residents Association (CHRA) uMnu. Mfundo Mlilo uthi kulabasekeli bebandla le ZANU PF abaziwayo phakathi kwalababantu okuzabangela ukuthi uhlelo lolu lungaqhutshwa kuhle.