amalinks wokungena

Breaking News

Baholiswa Imali Enkambeni Zenkethabetshabi Esezidilizwa


Abantu abahlala ematendeni abawakhelwa nguhulumende wele South Africa ngemva kodlakela lwenkethabetshabi olwaqhamuka kulelolizwe ekuqaleni kwalonyaka, lamuhla baphiwe imali yokubaphathisa ukuyaqala kutsha impilo zabo lapho ababehlala khona.

Inhlanganiso ye Jesuit Refugee Service, ethi ithunywe ngeye United Nations High Commission for Refugees, ibikwa iphe abantu abedlula ikhulu imali engange R750 umuntu ngamunye, etendeni le Germiston eJohannesburg, kodwa inani lemali belingafanani kusiya ngendingeko zomuntu, njalo uhlelo lolu luyaqhubeka e Durban le Cape Town.

Lokhu kulandela isinqumo somthethwandaba waphezulu ePretoria izolo, esenqabele imizamo yokuthi inkamba lezi zingavalwa ngoba kwesatshelwa ukuthi udlakela lungaqhamuka njalo abantu laba bengabuyela lapho ababehlala khona.

Inhlanganiso ye Consortium for Refugees and Migrants in South Africa leye Wits Law Clinic ithi lamuhla iqoqe amaphepha okuphikisa lesi sinqumo kumthethwandaba ofanayo.

UMnu. Sibonile Mabhena, isizalwane seZimbabwe esihlala kwenye yalezinkamba uthi yena labanye bakhe bavumelene ukuthi abasuki, bazahlala egcekeni angaze amatende adilizwe njalo lemali abasoze bayamukele ngoba incinyane kakhulu.

Ezinye indaba ze studio 7…

XS
SM
MD
LG