Uhulumende ubikwa enqume ukuthi izisebenzi zogatsha olubona ngokuphuma lokungena elizweni, olwe immigration, kumele zithathele ugwalo lokuhambisa, ipassport uMnu. Morgan Tsvangirai. UTsvangirai ukhangelwe ukusuka elizweni kusasa elubhekisa e South Africa lapho okulomhlangano wenhlanganiso yomanyano wamazwe ezansi yezwekazi le Africa, iSADC.
Izisebenzi zalolugatsha zithi lanxa ziyake ziphiwe izizatho zokuthi umuntu uyabe athelelwani ipassport yakhe azizange ziphiwe isizatho sokuthatha ipassport kamnu. Morgan Tsvangirai. Kungakalotshelwana isivumelwano se Unity Accord ngomnyaka ka1987 owayekhokhela ibandla lePF Zapu uMnu. Joshua Nkomo wacina ebaleka elizweni egqoke njengekhosikazii esithi uhulumende ufuna ukumbulala.
Ingcwethi ecubungula ezombusazwe uMnu. Gordon Moyo uphe uChris Gande weStudio 7 imbono yakhe ngodaba lolu.
