Lanxa icele lemdc elikhokhelwa nguMnu. Morgan Tsvangirai lisithi kalivumelani lenyathelo elithethwe nguhulumende lokuvula idale lephalamende lokugcotshwa kwamalunga alo lelibandla lithi lizabe likhonale ngoLwesibili. Ukuvulwa kwalelidale kudale inkulumo ngoba iMDC kaTsvangirai ibisithi akuqale kumiswe andubana inkulumo ezilawulwa nguMongameli Thabo Mbeki ziphethwe.
Ukuze sihlaziye loludaba uChris Gande weStudio 7 uxoxe lesikhulumi secele leMDC ekhokhelwa nguMnu. Tsvangirai koBulawayo, uMnu Felix Magalela Mafa Sibanda endawonye legqwetha elilwela ilungelo likazulu, uNkosazana Annah Moyo.
