amalinks wokungena

Breaking News

Ama NGOs Lokhu Engakaqalisi Ukupha Abantu Ukudla


Inengi lenhlanganiso ezizimeleyo zithi azikaqalisi ukupha abantu ukudla lolunye usizo ngenxa yemigoqo eqatha eziyifakelwe nguhulumende uekubhaliseni kutsha ukuqhuba lezinhlelo.

Lokhu kwenzakala inengi labantu emadolobheni lemaphandleni lilamba kodwa inhlanganiso, ezigoqela o World Vision, World Food Programme labo Care International zisithi zilakho ukudla njalo zimelele ukubhalisa nje- zwi.

Enye yemigoqo le ngeyokuthi inhlanganiso lezi ziveze ukuthi imali yokuthenga lokhu kudla ziyithatha ngaphi njalo lokudla zikuthenga ngaphi, kukanti lekuholiseni lokhu kudla ziyabe zikhatshwe yiziphathamandla zikahulumende, inengi elibikwa lisekela ibandla le ZANU PF.

UMfundisi Raymond Motsi, isiphathamandla somanyano we Christian Alliance, yona eyavunyelwa ukuqhubeka isipha abantu ukudla utshele usithandekile mhlanga we studio 7 ukuthi ezinye inhlanganiso ziyesaba ukubhalisa ngoba zingakwazi okuzakwenzakala.

Ezinye indaba ze studio 7…

XS
SM
MD
LG