amalinks wokungena

Breaking News

Kufa Izibotshwa Ezinengi Ngendlala Lokuminyana Emajele


Kubikwa kufe izibotshwa ezilitshumi lanhlanu ejele yeChikurubi kuviki edluleyo. Lokhu kwenzakala nje indlala ibikwa isibhahe okwesabekayo emajele kusifa abantu abedlula itshumi ngelanga. Uhulumende uvumile kunyanga ezimbili ezedluleyo ukuthi kuminyene okwesabekayo emajele okungabangela ukuqhakumuka kwemikhuhlane.

Ikhomidi eyayibona ngokwenzakala elizweni kudale lephalamende eladlulayo yanquma ukuthi ezinye izitokisi elizweni zivalwe kodwa zilokhu zisebenza zilezibotshwa ezinengi okwesabekayo. UChris Gande uxoxe loNkosazana Magodonga Mahlangu, isiphathamandla senhlangaiso yewoza, oke wavalelwa ejele yeChikurubi okwenyanga phose ezintathu.

Kunjalo nje, inhlanganiso ezibona ngelungelo loluntu zithi umumo osemajele umele ulingisiswe ngoba inani labantu abafayo emjale lingaqansa okwesabekayo nxa umumo wokudla lokuminyana ungala ulokhu ungaguqunga. Umgcinisihlalo weZimRights, enye yalezi nhlanganiso, uMnu. Kucaca Phulu, oligqwetha njalo, uphe uChris Gande imbono yakhe ngaloludaba.

Ezinye izindaba zeStudio7 ...

XS
SM
MD
LG