amalinks wokungena

Breaking News

Kambe Ibandla LeMDC Ekhokhelwa NguMnu Mutambara Selibhidlika Na


Kuzonalezi insuku bekukhulunywa kakhulu ngengxabangxoxa ekubandla leMDC elikhokhelwa nguMnumzana Arthur Mutambara, phakathi kwabanqoba kukhetho lwedale lePhalamende leSenate, lenkokheli yebandla. Laloba amacele abikwa exabana la esithi aselungisisile udubo, ukucubungula okwenziwe yiStudio 7 kuveza ukuthi kusesekhatshana ukuthi udubo olusebandleni leli luqedwe.

Abanye esikhulume labo kulelibandla bathi okuhluphayo yikuthi inkokheli yebandla ibisikhanya angani idlelana kakhulu lebandla leZANU PF, kodwa ama Members of Parliament efuna kusetshenzelwane lecele leMDC elikhokhelwa nguMnumzana Morgan Tsvangirai. Ama MPs athi aphazanyiswe kakhulu yinkulumo kaMnu Mutambara, yokuthuka abamhlophe bakwamanye amazwe okukhanye angani usekhuluma mlomo munye loMongameli Robert Mugabe.

AmaMPs la athi njalo, kawavumelani lenkokheli yebandla ethi isekela ugwalo lokwabelana amandla phakathi kwamacele womabili eMDC lebandla leZANU PF, enkulumeni ezikhokhelwa nguMongameli Thabo Mbeki, esithi njalo unobhala jikelele walelibandla uMnumzana Welshman Ncube laye ukhanya esesiba lombono munye leZANU PF.

istudio 7 ikhulume lomeli wenkayi edaleni lephalamende kulelicele, okubikwa kunguye otshotshozela abanye bakhe ukuhlamukela inkokheli yebandla, umnumzana abednico bhebhe. ubhebhe uthi akulangxabangoza ebandleni kodwa ukwehlukana kuphela kwemibono, okulakho ukulungisiswa ngomlomo.

Umsekeli wesikhulumi sebandla leli, uMnumzana Renson Gasela uthi laye kayiboni ingxabangxoza engehluleka ukulungisiswa.

Ezinye Indaba ZeStudio7...

XS
SM
MD
LG