Uhulumende usengezelele iholo lababalisi nge $10 000. Kodwa lanxa kunjalo ezikolo kulokhu kubetha umoya ngoba ababailis abanengi belokhu bengayi emsebenzini besithi limali iphansi kakhulu kulaleyo abayifunayo.
Inhlanganiso ye Progressive Teachers’ Union of Zimbabwe (PTUZ) ithi kumele ababalisi baphiwe imali yakweleMelika eyi $1 200 ngenyanga.
Inhlanganiso yeZimbabwe Teachers’s Association (ZIMTA), eyiyo eyalobelana isivumelwano sokukhweza iholo lohulumende ithi ukungayi emsebenzini kwababalisi ayisiko kukhalala umsebenzi kodwa yikuthi bayehluleka ukuthola eneleyo emabhanga.
Unobhal jikelele walinhlanganiso, uMnu Richard Gundane utshele uChris Gande weStudio 7 ukuthi sebezahlala bekhulumisana lohulumende nyanga zonke ukuze babone ukuthi bakhwezelwa imali ngesilinganiso esinganani.
Kunjalo nje, uChris Gande weStudio 7 uxoxe njalo lonobhala jikelele wenhlanganiso yePTUZ ukuze sizwe imbono yenhlanganiso yabo ngololudaba.
