Inhlanganiso yomanyano wamazwe ezwekazi le Europe, i EU ithi ilakho ukwengezela amagama eziphathamandla zeZanu PF ezikuluhlu lwezijeziso zenotho lanxa sekuvunyelwane ukubumba uhulumende womanyano ezimbabwe.
Linhlanganiso ithi izacubungula isivumelwano sokubumba uhulumende womanyano ibe isethula amagama alabo abazethulelwa izijeziso lezi ngomvulo. Lokhu kutshiye ingcwethi zenotho zizibuza ukuthi uhulumende womanyano lo uzathola na usekelo kumazwe entshonalanga na.
Ingcwethi kwezombusazwe uMnu. Mlamuleli Nkomo utshele uChris Gande weStudio 7 ukuthi lokhu kutshengisa ukuthi uhulumende ozabunjwa uzabe elobunzima obukhulu emzameni yokudinga uncedo lwamazwe athuthukileyo.
