Phansi kwesivumelwano sokubumba uhulumende womanyano udaba lwezokulima luqakathekisiwe kakhulu. Isingensio sesivumelwano lesi sikuchaza mgceke ukuthi udaba lomhlabathi yiyo indikimba yenkinga yelizwe. Yiko khe isivumelwano lesi sithi eleBhilitane yilo elimele lihlawule abalimi abamhlophe imali yamapulazi abawathathelwa nguhulumende weZimbabwe. Lesi sivumelwano sithi njalo kumele kuhluzisiswe indlela umhlabathi owabiwa ngawo kulungisiwe loludaba ikakhulu kudingisiswe abalamapulazi amanengi. Ingcwethi kwezokulima njalo eyisisekeli sesikhulumi secele leMDC elikhokhelwa nguMnu. Arthur Mutambara uMnu. Renson Gasela utshele uChris Gande weStudio 7 ukuthi kuyathembisa ukuthi ilizwe lingayitshaya inala ngomnyaka ozayo.
