amalinks wokungena

Breaking News

Kulula Ukuthi Abantu Nje Bazilungisele I $20.000 Entsha


Uuzulu uqhubeka esebunzimeni bokutshona endwendweni zokuthatha imali emabhanga, abanye sebeze belala ubusuku bonke belindile. Abamabhanga besithi imbangela yikusilela kwemali abaiyiphiwa libhanga elikhulu lelizwe i Reserve Bank of Zimbabwe, lokuthi abantu sebesiza emabhanga nsukuzonke ngoba i $20.000 asebevunyelwa ukuyithatha ngelanga ingeneli lutho.

Intengo yezinto ibikwa isiqongile ngokuza kwe $10.000 le $20.000 entsha, imitshova isiqonge isuka ku $500 isiya ku$1000. UBrenda Moyo WeStudio 7 ukhulume lesakhamuzi sako Bulawayo uMnumzana Jonah Nyoni okhala ngokuswela isisindo bemali yakuleli, elandisa ngakubone kusenzakala emabhanga koBulawayo namhla.

Kunjalo nje uzulu ukhala ngesimo se $20.000 entsha esithi idhindwe ephepheni nje elingatsho lutsho.

UBrenda Moyo uphinde wakhuluma lengcwethi kwezenotho uMnumzana Rejoice Ngwenya othi imali yakhona le ayila lokhu okuthiwa ngama security features okungenza kubelula ukuthi abantu bazidhindele limali ezindlini zabo.

Ezinye Indaba ZeStudio7

XS
SM
MD
LG