Uhlangothi olubona ngezokudla enhlanganisweni ye United Nations, luthi ludinga izigidi ezilikhulu lamatshumi amane amadollar emelika-us$140m, yokusebenzisa ekuncedeni ukutholela abalambayo kwelezimbabwe ukudla.
Limali izakwengezelela ku $175 million inhlanganiso ye WFP esivele ilayo yalumsebenzi. Umnu. Richard Lee, isikhulumii se WFP uthi ukwehla kwesivuno salonyaka, ukukhwela kwentengo yezinto kanye lokuwa kwamandla emali ye Zimbabwe sokwengeze inane labantu okumele baphiwe ukudla lafika kuzigidi ezinhlanu.
Kusenjalo, obona ngezokulima kucele le MDC elikhokhelwa nguMnu. Arthur Mutambara, uMnu. Renson Gasela utshele uSithandekile Mhlanga we studio 7 ukuthi uhulumende kumele abe kuhle inhlanyelo encinyane ekhona ukwenzela ukuthi wonke umuntu ayifinyelele.
