amalinks wokungena

Breaking News

Imizamo Yolunye Ukhetho Lukamlawuli Wedale Lephlamende Iqhubekela Phambili


Udaba lokuzama ukuthi kukhethwe njalo omunye umlawuli wedale lephalamende olusiwe emthethwandaba ngenyanga edluleyo lokhu lungakaziswa ukuthi luzathethwa nini. Lokhu kwenzakala lanxa loludaba lwaluthiwe luthethwe ngesiphangiphangi emthethwandaba weHigh Court. Omela isigaba seTsholotsho edaleni lephalamende uMnu. Jonathan Moyo lamanye amalunga edale lephalamende awecele lemdc elikhokhelwa nguMnu. Arthur Mutambara akhweze loludaba emthethwandaba esithi ukhetho olwenziwe ngo Ncwabakazi okukhethwe uMnu. Lovemore Moyo umgcinisihlalo wecele leMDC elikhokhelwa nguMnu. Morgan Tsvangirai ukuthi abe ngumlawuli walelidale kaluqutshwanga ngemfanelo. Omunye wabakhweza loludaba emthethwandaba, uMnnu. Siyabonga Malandu Ncube uchasisele uChris Gande weStudio 7 ngokubangele ukuthi bathathe lelinyathelo.


Ezinye izindaba zeStudio7…

XS
SM
MD
LG