amalinks wokungena

Breaking News

IMelika Izaqhubeka Iphathisa IZimbabwe Ngokudla, Kodwa...


Inkulumo phakathi kukaMongameli Mugabe labakhokheli bamacele womabili eMDC uMnu Arthur Mutambara loMnu Morgan Tsvangirai phezu kodaba lokwabelana izikhundla zedale lecabinet zingene kulanga lesine lamuhla.

Sikhuluma nje inkulumo lezi ziqhubekela phambili eHarare zilawulwa nguMnu Thabo Mbeki, ongumlamulankunzi.

UTsvangirai uphume kulumhlangano izolo wazisa intatheli ukuthi kulokungavumelani phezu kwengatsha ezilitshumi.

Iphephandaba le Herald lithi uTsvangirai sefuna kukhulunywe ngengatsha okwasokuvunyelwene ngazo, lisithi le yimizamo katsvangirai yokubhidliza lezi nkulumo.

Engena emhlanganweni walamuhla uMongameli Mugabe wethule amazwi esithi lamuhla lilanga lokuvumelana. Kodwa abazi ngokwenzakalayo bathi kusalobunzima kunkulumo lezi.

Umeli weMelika eZimbabwe uMnu James MCgee uthi ilizwe lakhe lizaqhubeka liphathisa uzulu wezimbambe ngokudla.

Kodwa uMcgee uthi kabasoze baphathise kunhlelo ezijonge ukuthuthukisa umnotho lokwakha kakutsha ilizwe nxa kungabanga lotshintsho oluzwayo ezenzweni zikahulumende.

Ekhuluma emhlanganweni obuqoqwe yinhlanganiso yeFreedom House khonapha eWashington izolo, uMcgee uveze ukuthi laloba sokulohulumende womanyano, ilizwe lakhe kalisoze lesule izijeziso zenotho elazethulela iziphathamandla zikahulumende kaMugabe kanye lamankampani adlelana laye.

Ezinye Indaba ZeStudio 7...

Okuhambelana lalokhu

XS
SM
MD
LG