Inengi lithi inkulumo zokwabelana izikhundla ze cabinet lezi zikhanya zingasoze ziphumelele ngenxa yezehlakalo esezenzakele, ezigoqela ukungayi kuka Mnu. Morgan Tsvangirai e Mbabane kwele Swaziland. Abanye njalo bathi bathemba impumela yomhlangano wabakhokheli bamacele womabili e MDC lebandla le ZANU PF phambi kwe SADC Troika ngoMvulo yiwo ozakhomba ukuthi inkulumo lezi ziyaphumelela kumbe hatshi.
USithandekile Mhlanga we studio 7 uxoxe lo Mnu Felix Magalela Mafa, omela iMagwegwe edale lephalamende ekucele le MDC elikhokhelwa nguMnu. Morgan Tsvangirai njalo eyisikhulumeli salelibandla koBulawayo endawonye lo Mnu. Thembinkosi Sibindi, isiphathamandla secele le MDC elikhokhelwa nguMnu. Arthur Mutambara, ukuze sizwe imbono yabo ngaloludaba.
Esigabeni sethu sabalaleli, uSithandekile Mhlanga we studio 7 uxoxe lo Mnu. Nhlanhla Ncube kanye lo Mnu. Qhubani Sibanda abalaleli abasithumele ama text messages, ukuze sizwe imbono yabo ngaloludaba.
