Lanxa inhlanganiso eziphathisa uzulu ngokudla seziqalisile umsebenzi wazo indlala ibikwa ilokhu ihlasele izakhamizi ezinengi ngoba ezinye zingaphiwa lutho ngoba zithiwa ziyenelisa ukuziphandela. Izakhamizi zemaphandleni esigabeni seMandebeleni zithi osekwengezelele lindlala yikoma kwamanzi ezikotshweni lemithonjeni. Kumaviki adluleyo idale lephalamende lethule udaba lokuthi indlala isifike kusibanga esibi kakhulu okokuthi kumele ilizwe lithiwe likusimo esithiwa yiNational Disaster ngesilungu. Kodwa idale lephalamende lona ebelilokhu lingakahlaziyi loludaba selimiswe umsbenzi ngokusilela kwemali. Esinye isakhamuzi seLupane uMnu. Lebo Mhlanga uthi bavakatshele indawo ezitshiyeneyo zalumango becubungula isimo sendlala wasecathekela abakubonileyo kuChris Gande weStudio 7.
Ezinye izindaba zeStudio7 …
