amalinks wokungena

Breaking News

I Sadc Ayikabeki Ilanga Lomhlangano WeZimbabwe


Umanyano weSadc uthi inkokheli yamazwe akulumanyano ayikanqumi ukuthi umhlangano wayo ozahlaziya umbango wezikhundla phakathi kweMDC leZanu PF uzakwenzelwa ngaphi njalo nini.

Lokhu kuvezwe ngunobhala weSadc uMnu Tomaz Salomao ekhuluma leStudio 7 lamuhla. Laloba kulembiko ethi lumhlangano ulakho ukwenzelwa eHarare, uSalomao uthi uzakuba seSwaziland kumbe eSouth Africa.

Uzulu weZimbabwe ukhangelele ukuthi lumhlangano wenziwe ngokuphangisa kulungisiswe udaba lwendlala, ukusilela kwemisebenzi kanye lazo zonke indubo ezikhona elizweni. Imbiko kasalomao le ithinte kabi amacele womabili eMDC wona akhuthaze ukuthi lumhlangano weSadc lo, wenziwe ngokuphangisa.

USalomao ulandule imbiko kaTsvangirai yokuthi umbango wezikhundla uphezu kwengatsha zecabinet ezilitshumi, esithi kusele ugatsha olulodwa kuphela.

Ezinye Indaba ZeStudio 7...

XS
SM
MD
LG